Un incendio con cinco focos activos rexistrouse este xoves arredor das 20.30 horas na parroquia de Vilardemilo, en Viana do Bolo (Ourense).

Segundo informa a Consellería de Medio Rural, o lume en Vilardemilo segue activo e ten cinco focos, o que apunta a unha clara intencionalidade.

A última estimación de superficie afectada é de 210 hectáreas. Trátase do lume máis grande rexistrado no que vai de temporada.

No seu control levan traballado seis axentes, 20 brigadas, dez motobombas, dúas pas, catro helicópteros e catro avións.

É o terceiro incendio rexistrado nas últimas horas na zona de Viana do Bolo, tras os dous incendios que afectan este xoves ao municipio ourensán.

O primeiro, declarado ás 02:22 horas da madrugada do xoves na parroquia de Froxais, está controlado desde as 12:30 horas e, polo momento, calcinou 14 hectáreas.

O segundo iniciouse en Pexeiros ás 13:55 horas, e as primeiras estimacións cifran en sete as hectáreas queimadas. O lume está estabilizado desde as 15:24 horas, segundo Medio Rural.

Por outra banda, desde a tarde deste venres está controlado o incendio entre os concellos de Verín e Vilardevós, que ata onte era o máis grande no que vai de verán, tras queimar 160 hectáreas.

A autovia A-52 tivo que ser cortada por mor das lapas.