A empresa francesa Decathlon retira varios produtos enerxéticos por exceso de óxido de etileno, un ingrediente canceríxeno en determinadas proporcións. Os produtos son da marca Aptonia; a maioría, barriñas e cápsulas.

O grupo francés apartounos do mercado como medida de prevención, aínda que algúns destes artigos alimentarios xa se venderan entre o 19 de xuño e o 12 de agosto.

Este verán xa se retiraran outros alimentos, como xeados da marca Nestlé e Mars pola presenza de óxido de etileno en niveis superiores aos permitidos.