Xullo foi o primeiro mes sen estado de alarma, comeza o verán, e cae o paro por primeira vez dende febreiro. Ademais, co maior descenso para este mes dende o 97: Case 90.000 desempregados menos, a maioría do sector servizos. O número de parados queda en 3.773.000.

A Seguridade Social gañou máis de 160.000 afiliados, a maior suba en 15 anos. Aínda así, non chega para recuperar o que se perdeu na pandemia. Hai 18.700.000 ocupados, medio millón menos ca en febreiro.

O paro baixou en 14 comunidades, especialmente en Cantabria, Castela e León e Galicia, con 9.343 parados menos. É unha baixada de cinco puntos, tres máis ca a media, que deixa o total de desempregados en 175.300.

Ademais, creáronse case 19.000 empregos, uns 600 por día, ata superar de novo o millón de cotizantes.

Os datos de Emprego non inclúen os traballadores en ERTE que son actualmente algo máis dun millón en toda España. Saíron xa desa situación dous de cada tres traballadores.