Xornada sen vítimas mortais en Galicia e con descenso dos casos positivos
• Baixan os positivos nas áreas sanitarias de Lugo e A Coruña e soben en Ourense e Santiago | A cifra de novos contaxios foi de 230 nas últimas 24 horas
Descende lixeiramente o número de novos contaxios por coronavirus en Galicia https://t.co/M9n0rKq9ul pic.twitter.com/8DK2rz0dXl
— G24 (@G24Noticias) September 27, 2020
O Sergas informa de que o número de casos activos en Galicia este domingo é de 4.432. O ritmo das PCR mantense por riba das 6.000 probas diarias, que veñen detectando algo máis de douscentos positivos. Nas últimas 24 horas foron 230 os novos contaxios.
Os infectados, por áreas sanitarias están repartidos do seguinte xeito:
· A Coruña: 1.046 (-31)
· Pontevedra: 826 (+16)
· Ourense: 728 (+39)
· Lugo: 589 (-53)
· Santiago: 577 (+22)
· Vigo: 512 (=)
· Ferrol: 154 (-10)
Do total de pacientes positivos, 33 están na UCI, dous menos respecto ao sábado; 198 en unidades de hospitalización (3 menos), e os restantes 4.201 nos seus domicilios.
Polo de agora, en Galicia hai un total de 18.316 persoas curadas, e o número de falecidos é de 729 desde que comezou a pandemia.
O número de probas PCR realizadas é de 465.341. Os casos vinculados con centros residenciais son 342 usuarios e 139 profesionais entre os activos, e 320 entre os falecidos, dos cales 144 morreron nas propias residencias e 176 en hospitais e residencias integradas.