Dúas semanas despois da súa desaparición na illa de Tenerife, non hai rastro das pequenas Anna e Olivia, de un e seis anos, nin de seu pai, Tomás Gimeno. A busca continúa por terra, mar e aire e continúan recibíndose chamadas e mensaxes con supostas pistas que son investigadas pola Garda Civil.

Os responsables da investigación manteñen abertas todas as hipóteses neste caso. O día da desaparición, Tomás recolleu as pequenas na casa da nai, como acordaran, e comprometeuse a regresar con elas catro horas despois, pero nunca apareceron.