Longas ringleiras dende primeira hora deste domingo ás portas do pavillón deportivo de Xinzo de Limia.

Uns 4.000 veciños e veciñas dos once concellos da Limia foron citados nesta instalación deportiva. Un cribado aleatorio de toda a comarca, onde xa hai preto de 300 casos activos.

Hai municipios coma Vilar de Santos e Calvos de Randín onde a incidencia chega a superar os 2.200 positivos por 100.000 habitantes. En todos os concellos medran seguido, en Xinzo de Limia van 155 contaxios.

Unha situación delicada que ten preocupados os limiaos.

É o que recomendan as autoridades sanitarias, reducir ao máximo posible os contactos.