Dous días antes do previsto, o persoal dunha residencia de maiores de Sarria acode a un cribado. Sanidade decidiu adiantar o control periódico logo do positivo dunha traballadora deste centro de titularidade municipal. Tanto ela coma todos os usuarios estaban xa vacinados.

En total hoxe estaban programadas 140 probas, 91 delas a usuarios desta residencia. En canto ao persoal, as probas practicadas aos compañeiros de quenda da contaxiada deron todas negativo. No centro hai certa tranquilidade, ao estaren todos protexidos pola vacina.

A residencia Nosa señora do Carme sufrira un gromo o pasado mes de xaneiro que provocara a morte de once usuarios.