A estrada provincial de Belesar a Chantada por Camporamiro, a LU-P- 1804, foi cortada este xoves á altura do punto quilométrico 6, no pobo de Belesar, por mor dun desprendemento de terra e o afundimento de parte da estrada como consecuencia das intensas chuvias. Así o comunica a Deputación de Lugo.

Os vehículos poderán desviarse pola ponte de Belesar ou pola estrada LU-553. Operativos do servizo de Xestión Territorial da Deputación colocaron nestes dous cruzamentos avisos de advertencia do corte da estrada.