Correos reforza o persoal para as eleccións do 12 de xullo. En Galicia realizará 340 contratos para reforzar tanto a repartición como a atención en oficinas, aínda que non descarta incrementar as contratacións se fose necesario.

O obxectivo é garantir as obrigas de servizo público que lle son encomendadas durante os procesos electorais como a xestión do voto por correo, a entrega das tarxetas censais ou o envío da propaganda electoral. O voto por correo pode solicitarse ata o día de 2 de xullo.