Este luns facían escala no porto da Coruña dous cruceiros cun total de mil cincocentos pasaxeiros e outros tantos tripulantes. Agora confirmouse que no control efectuado á súa chegada, dous dos pasaxeiros do Marella Explorer deron positivo por covid-19, polo que tanto eles como os seus acompañantes de camarote tiveron que ser illados e sometidos a corentena nun hotel da Coruña.

As autoridades sanitarias galegas aplicaron o protocolo sen que aparecesen máis positivos. Por iso, o cruceiro puido saír pola tarde con rumbo a Southampton, na costa sur de Inglaterra.