Un incendio forestal declarado na tarde deste martes na zona de Bens, na Coruña, quedou controlado ás 20.52 horas. 

O lume, que calcinou unhas quince hectáreas en cinco horas, iniciouse na parroquia de San Pedro de Visma ás 14.53 horas, momento en que varios particulares deron aviso aos Bombeiros da Coruña e ao 112 Galicia. 

Medio Rural mobilizou dous axentes, seis brigadas, catro motobombas, unha pa, dous helicópteros e dous hidroavións. Ademais, dúas dotacións de seis persoas dos Bombeiros da Coruña tamén traballaron para sufocar o incendio forestal. 

Así mesmo, a Policía Local e a Policía Nacional desprazáronse á zona para controlar os accesos. Segundo indicaron os Bombeiros do parque da Grela, trátase dunha zona "de moi difícil acceso", encima da depuradora, e os labores de extinción víronse dificultados porque había "moito vento".