Continúa en paradoiro descoñecido a parella belga fuxida na Barbanza.  

O venres pola tarde, a muller acudía ao centro de saúde de Ribeira porque se atopaba mal. De aí foi derivada ao hospital para que lle fixesen as probas PCR que descartasen ou confirmasen que era un novo caso de coronavirus. Non se presentou á cita, o que fixo que as forzas de seguridade comezasen a buscala xunto coa súa parella, de momento, sen resultado.

A Consellería de Sanidade lembra que todos os viaxeiros que cheguen a Galicia procedentes de territorios con alta incidencia epidemiolóxica por Covid-19 teñen 24 horas desde a súa chegada para comunicar os seus datos de contacto. Nos poucos días que leva a norma en vigor, máis de 107.000 viaxeiros rexistraron eses datos, a maior parte deles, procedentes de territorio nacional.