CRTVG

Buscar

Confirmados oito casos de cepa británica en Galicia, seis deles na Mariña

Publicado o 07/01/2021 18:37
Confirmados oito casos de cepa británica en Galicia, seis deles na Mariña

A directora xeral de Saúde Pública, Carmen Durán, confirmou oito casos de cepa británica en Galicia, segundo explicou nunha entrevista concedida a Europa Press. O maior número de casos corresponden aos da zona da Mariña lucense, un total de seis, que, atópanse, segundo precisou, no seu domicilio e en "corentena". "Como calquera outra persona que tivese un positivo por PCR", apuntou.

A estes casos, dos que fontes sanitarias xa cualificaran como "compatibles" coa cepa británica, sumou outro en Santiago de Compostela -confirmado hai días polo conselleiro de Sanidade, Julio García Comesaña- e un oitavo "en Vigo", precisou.

Sobre esta cepa, recalcou que é "unha mutación do virus". "Pero nada máis, non hai feitos fidedignos que demostren nada máis", apuntou en relación á posible repercusión do mesmo en canto á capacidade de contaxio ou incidencia na persona afectada. En calquera caso, insistiu en que hai que seguir as "mesmas" medidas que levan recomendando desde o inicio da pandemia, dixo citando, entre elas, o uso de máscara e a distancia social.