A factoría viguesa de PSA-Citroën retomará a actividade a partir da semana que vén de xeito gradual ata recuperar por completo as tres quendas de traballo o vindeiro 8 de xuño. 

Inicialmente, segundo informou a empresa, os días 11 e 12 de maio un pequeno grupo de traballadores poñerán a punto a infraestrutura industrial para que o mércores 13 comece a traballar unha única quenda.

Tomaráselles a temperatura a todos os traballadores diariamente; estes deberán utilizar máscaras e gardar as distancias de seguridade preceptivas para evitar contactos que puideran supoñer contaxios. Pouco a pouco irán incorporándose o resto de quendas.