A Audiencia de Pontevedra condena a once anos de cárcere un home por violación continuada á súa ex-parella.

O tribunal considera probado que o imputado cometeu as agresións entre mediados de agosto e finais desetembro de 2015, tras a ruptura entre o acusado e a vítima, que mantiveran unha relación durante cinco anos.

O xuíz tamén lle impuxo o pago dunha indemnización de 25.000 euros e a prohibición de comunicarse por calquera medio e de aproximarse á vítima durante 15 anos.