Quince condenados pola emboscada a varios policías locais de Poio no poboado do Vao, durante o confinamento do primeiro estado de alarma. Desorde pública, atentado, danos e lesións, son os delitos polos que a sentenza lles impón penas de ata 15 meses de prisión e o pagamento de 900 euros en multas. Con todo, os acusados non irán ao cárcere. Lograron un acordo fiscal e as penas quedaron suspendidas, a cambio, iso si, de non volver delinquir e de aboarlles unha indemnización aos axentes agredidos, así como ao Concello de Poio e ao Estado, polos danos provocados nos coches patrulla.