Dende a Consellería de Industria din que están usando todos os mecanismos posibles para axudar nunha solución para Alcoa.

Francisco Conde pediulle ao Goberno central que volva á mesa industrial, e que se comprometa marcando un bo prezo eléctrico que faga competitiva a planta de San Cibrao.

"Nós o único que lle pedimos ao Goberno é que volva á mesa industrial para buscar unha solución aos traballadores. Un conflito que ten no prezo eléctrico a súa principal dimensión", dixo Conde.