Comezan a tramitar as sancións propostas en Galicia por incumprir as normas establecidas durante o estado de alarma, segundo confirmaron fontes da Delegación do Goberno na comunidade. 

Ata o de agora, propuxéronse 34.222  sancións, segundo os últimos datos achegados.  Ademais, as forzas e corpos de seguridade do Estado detiveron 224 persoas. Segundo o balance facilitado polo Ministerio do Interior, ata o 2 de  maio, o número total de detidos en todo o Estado por incumprir o estado de alarma ascende a 7.073.

Este balance  inclúe  as  propostas de sanción, que  ascenden a 786.323.   En abril, o Ministerio  do Interior  dirixiu  unha comunicación  ás  delegacións  do  Goberno para orientar e  graduar a incoación de  sancións a partir das actas que se están tramitando por  incumprir o  confinamento. As multas oscilaban entre os 601 euros e os 10.400 euros en aplicación da Lei de seguridade  cidadá, tamén coñecida como lei  mordaza.

Entre as propostas de sanción está a de 601 euros de multa por "desprazamento non autorizado  sen circunstancias  concorrentes".  Se o infractor cometeu unha "actitude inapropiada, serán 2.000 euros se houbese "menosprezo" e 3.000 se houbo "intimidación,  cando  non  constitúa infracción penal",  xa que  tamén  é posible recorrer ao Código Penal,  coa  posibilidade de penas de  cárcere.

Unha sanción de ata 10.400 euros, no caso de que o infractor amose "violencia ou ameaza".    Incumprir o  ditado polo real decreto  do estado de alarma  tamén pode  levar multas de ata 10.400 euros se  hai "organización  ou participación en actividades en común,  festexos  ou  celebracións".

Se persisten nas restricións de libre circulación contémplanse multas de 1.200 euros, pero se  é en actividades  non permitidas en  establecementos  comerciais  ou  industriais proponse elevar a multa a 2.000 euros.