O Ministerio de Sanidade inicia este martes o reparto entre as comunidades autónomas de 380.000 novas unidades da vacina de AstraZeneca.

As doses, que chegaron esta semana a España, súmanse ás 520.000 de Pfizer/BioNTech que comezaron a distribuírse este luns por todo o territorio.

En total, segundo notifica o Ministerio, ata o venres chegarán ás comunidades autónomas un total de 900.650 doses de vacinas contra a covid−19.

Ata o momento, administráronse á poboación máis de 3,8 millóns de unidades, o 85 % das vacinas distribuídas.