CRTVG

Buscar

Comercio e hostalería perden boa parte da clientela co peche perimetral de Santiago

Publicado o 17/12/2020 14:53

A revisión das restricións nos concellos galegos por mor da covid volve afectar a Santiago que de novo se ve sometida ao peche perimetral. 

E esta vez é un peche individual, co que afasta da cidade precisamente nestas datas a poboación dos concellos limítrofes que, en boa medida, compra en Santiago.

Coa campaña de Nadal no seu apoxeo, o peche de Santiago supón un novo golpe para o comercio. Porque desta vez o peche é máis severo, xa que non permite a mobilidade entre a capital e os concellos limítrofes dos que se nutren en boa medida.

Na hostalería, ao peche engádenlle unha baixada da ocupación permitida.

Tanto no comercio coma na hostalería van notar moito a falta dos seus clientes de Teo, Ames e Brión, entre outros.

Todos eles entenden que se trata da saúde, pero esperan con ansiedade a seguinte revisión das restricións en Santiago.

Noticias web

17/12/2020