Xesto solidario do bispado de Lugo, que pon a disposición da Consellería de Sanidade a residencia do Seminario para que o poida empregar o persoal sanitario.

Trátase dos cuartos que non son utilizados durante o curso escolar polos seminaristas menores. A Consellería de Sanidade xa trasladou o ofrecemento á xerencia do Hospital Lucus Augusti. O servizo de recursos humanos coordinará cos capeláns destinados no HULA as necesidades das persoas para poder empregar as instalacións que ofrece a diocese lucense.