A concelleira de Participación da Coruña, da Marea Atlántica, acudiu esta mañá ao xulgado para declarar como investigada por un suposto delito de prevaricación na cesión de usos da antiga prisión provincial ao colectivo Proxecto Cárcere.

Claudia Delso mostrouse satisfeita de poder declarar ante a xuíza que investiga o proceso e dixo estar tranquila porque confía en que a investigación quedará finalmente arquivada.