Cataluña volveu deixar imaxes de violencia extrema, nas últimas horas. Un grupo de encapuchados intentou queimar un furgón da Garda Urbana de Barcelona, cun axente dentro. O policía puido fuxir pola porta do copiloto, o que evitou unha desgraza maior. Dúas persoas foron detidas por este ataque. Houbo outra ducia de detidos por actos vandálicos.

O sindicato Sapol vai presentarse na causa, e os corpos policiais falan de abandono institucional.

Nacho Álvarez,voceiro do sindicato dos Mossos d'Esquadra: "Se temos que estar tres horas diante deste energúmenos para que o político nos deixe actuar, ahí está o erro".

O PP solicitou hoxe a comparecencia urxente do Ministro do Interior.

Cuca Gamarra, voceira do PP no Congreso di que "asuma as súas responsabilidades e afronte a escalada de violencia".

Pola súa banda, Cristina Narbona, presidneta do PSOE di que "non está desaparecido, está en contacto permanente e vendo cómo axudar e abordar esta situación".

As patronais catalás e o Círculo de Economía esixen a fin da violencia, e emprazan a Generalitat e o Concello a que lles poñan freo aos roubos e ataques. Tras case dúas semanas de disturbios, este mediodía Pere Aragonès e a cúpula de Interior reuníanse con Ada Colau para abordalos.