Tras as eleccións de onte, Ciudadanos desaparece da Asemblea de Madrid. Hoxe non valoraban ningunha dimisión. Na reunión este mediodía do comité permanente, Inés Arrimadas anunciou que reforzará a dirección do partido designando a Edmundo Bal e a Daniel Pérez como vicesecretarios. Recoñeceu o mal resultado electoral en Madrid, pero defendeu que o centrismo é máis necesario ca nunca.

"O resultado foi malo, non conseguimos representación. Sabemos que estar en Ciudadanos é difícil, que defender o centro liberal nunca é fácil, pero agora máis que nunca é imprescindible, así que imos por todas", dixo Inés Arrimadas, presidenta de Ciudadanos.