En Ciudadanos están contentos cos resultados dos comicios. Non superaron o PP como pretendían pero duplican o número de deputados autonómicos, case o de concelleiros e quintuplican o de eurodeputados.

Ciudadanos medra e ademais goberna. Consolídase como un partido de goberno e como a terceira forza a nivel europeo de España.

A partir deste martes comezarán a negociar a formacion de gobernos. A prioridade de Ciudadanos será conformar maiorías de centrodereita, como parece que vai pasar en Madrid e Murcia. Pero levanta a liña vermella de non negociar co PSOE e a priori tampouco rexeita facelo con Vox. 

Inés Arrimadas: "Todo o que corresponda aos pactos vaino coordinar un comité nacional de negociación de gobernos. Porque isto non se trata de ver quen pilla cacho en cada lugar, trátase de conformar os mellores gobernos para os próximos catro anos".

Ciudadanos estaría disposto a negociar cos socialistas sempre que non se precisen os votos de Podemos. Sería o caso do goberno de Aragón e o Castela e León, este último en mans do PP desde hai 32 anos.