Citroën Vigo recibiu o Premio Economía que concede o Consello Galego de Economistas. Con este galardón queren recoñecer, din os economistas, o papel da factoría na implantación da cultura emprendedora que hai hoxe na cidade e na súa contorna. O director da planta de Balaídos, Ignacio Bueno, afirmou que son merecedores do premio grazas ao compromiso coa excelencia que teñen cada un dos traballadores da fábrica de Vigo.