O presidente de Chile Sebastián Piñera anunciou que tramitará de maneira urxente a lei que permitirá o matrimonio entre persoas do mesmo sexo. Nunha sorprendente declaración, Piñera dixo que chegou o momento de recoñecer a dignidade de todas as relacións de amor e de afecto entre dúas persoas. Ata o de agora, os homosexuais chilenos só podían unirse baixo a figura legal de unión civil, semellante á parella de feito.