Hoxe, día de San Roque, é xornada festiva en Vigo e moitos non dubidaron en festexalo na praia. Os areais da cidade estiveron ao completo nun luns solleiro, non laborable no municipio e con temperaturas que rozaron os vinte e nove graos.

De momento, os paseos ao carón do mar, os baños ou tomar o sol poderán seguir nas nosas axendas de lecer porque esta calor nos próximos días queda nas Rías Baixas.