Centos de persoas saíron de novo ás rúas de Lugo para reclamar que se blinden as pensións e que se actualicen conforme o IPC real. Din que seguirán loitando ata conseguir que se cumpran os seus dereitos.

"O Goberno está mentindo, di que a media son mil e pico euros, e é mentira. Se ti cobras 1.800 e eu 500...".

"As pensións das viúvas son moi pequenas, non se pode vivir así. Non pedimos nada fóra do normal, pedimos vivir dignamente. Nada máis".

"Que se acorden de que España merece outra cousa e non o que está tendo. Ideas políticas á parte, que o fagan ben, que se centren no que teñen entre mans, porque é vergoñento o que está pasando".

Os pensionistas reclaman ademais, entre outras medidas, que non haxa ningunha pensión por baixo do salario mínimo.