Catro novas mortes elevan a cifra total de falecidos pola covid-19 en Galicia a 656
• Tres falecidos están vencellados coa residencia do Incio, que suma tres casos máis | A de Outeiro de Rei detecta catro positivos máis
• Ourense e Vigo, as áreas sanitarias que máis soben en casos activos
Este venres, o número de casos activos de coronavirus en Galicia ascende a 4.082, segundo os últimos datos da Dirección Xeral de Saúde Pública da Consellería de Sanidade. Isto supón 91 máis ca onte.
ÚLTIMA HORA | Catro novas mortes nas últimas horas elevan a cifra total de falecidos a 656 en Galicia. Máis en https://t.co/sFlifGjWw3 pic.twitter.com/dsrHFccnCu
— G24 (@G24Noticias) September 4, 2020
Ademais, nas última horas faleceron catro persoas en Galicia. Trátase de dúas mulleres de 84 e 62 anos, ingresadas no HULA e no CHUAC, respectivamente; e dous homes de 88 e 59 anos, ambos ingresados no HULA. As tres persoas falecidas no Hospital Lucus Augusti estaban vencelladas á residencia do Incio. Pola contra, a persoa falecida no CHUAC non tiña relación non ningunha residencia.
Así mesmo, na tarde de onte tamén se notificara o falecemento dunha persoa que fora diagnosticada por coronavirus. Trátase dun home de 79 anos que estaba ingresado no Hospital de Montecelo e presentaba patoloxías previas. Tras sumar estes datos, a cifra total de falecidos elévase a 656.
Casos activos por áreas sanitarias
Do total de casos activos, 1.445 (+20) son da área da Coruña, 796 (-2) da de Lugo, 412 (+26) da de Ourense, 279 (+8) da de Pontevedra, 327 (+25) da área de Vigo, 673 (+14) da de Santiago, e 150 (=) dade Ferrol.
As áreas sanitarias que máis soben en casos activos son Ourense e Vigo. Por outra banda, na da Coruña rexístranse 3 casos activos menos.
No tocante a hospitalizacións hai 15 persoas na UCI, 171 en planta e 3.896 que se recuperan nas súas casas. En total realizáronse 354.273 probas PCR dende o inicio da pandemia.
En ampliación.