Cataluña segue coa curva de contaxios disparada. Notificou máis de catro mil casos novos en 24 horas e 25 falecidos. Medran os ingresos hospitalarios e a Generalitat sopesa o confinamento domiciliario durante as fins de semana, sen descartar o peche de institutos.

Madrid aplica desde hoxe restricións de mobilidade en 32 áreas de saúde. Afectan máis de medio millóns de cidadáns. E nótase na rúa

A comunidade madrileña avalía limitar a mobilidade durante a ponte de Todos os Santos e mesmo o peche total da rexión.

Se o fai, sumarase Castela e León a un confinamento perimetral que acaba de aprobar Aragón para toda a comunidade. Asturias vaino propoñer esta tarde e A Rioxa e Navarra, onde seguen por riba dos 500 positivos novos en 24 horas, xa o aplica.

Aragón ten o 42 por cento das camas UCI ocupadas, case o dobre da media nacional. E na Rioxa, chega ao 37 por cento.

Euskadi aprobará esa tarde restricións máis duras.

Sanidade incide en que case o 30% dos gromos se dan en bares, restaurantes, colexios e hospitais. Pide rematar con situacións coma esta. A Policía Municipal desaloxou un pub de Villaverde, en Madrid, sen licenza e con 75 clientes no seu interior sen máscara.