Este mércores por fin casou o Jack Sparrow vigués. El e a súa parella intentaran casar hai xa un mes, el disfrazado do famoso pirata e ela co traxe de gala do país, pero a xuíza non lles deixou celebrar o casamento pola súa indumentaria.

Desta vez, oficiouse a voda, aínda que el tivo que sacar a perruca e o sombreiro para entrar no xulgado. A parella defende que a súa indumentaria forma parte do seu proxecto solidario: non queren agasallos, senón que se destinen todos ese cartos a algunha das tres oenegués coas que colaboran.