No Lugo conxuran estes días os malos agoiros e aférranse ao optimismo. O partido do sábado contra o Alcorcón é transcendental para as posibilidades reais de salvación. A só un punto do descenso, aos de Luis César só lles vale gañar. Dando por bo o fútbol que veñen practicando nos últimos partidos, aínda que sen bos resultados, os xogadores aplícanse máis na fortaleza mental e no espírito positivo.