O Goberno pídelle á banca que minimice os despedimentos durante as fusións. A vicepresidenta primeira e ministra de Asuntos Económicos, Nadia Calviño, explicou no Congreso que o mantemento do emprego é prioritario para o executivo e pediulles responsabilidade ás entidades.

O sector bancario perdeu 100.000 empregos desde a crise de 2008. Esta mesma semana, Unicaja propuxo un ERE que afectaría máis de 1.500 empregados. Nadia Calviño dixo que "o mantemento do emprego é prioritario para este Goberno e por iso, de forma repetida, demandóuselle ás entidades financeiras que actúen con responsabilidade para buscar todas as alternativas que minimicen o impacto negativo das fusións para os seus traballadores. E non só as fusións, posible impacto negativo que se está producindo neste mercado".