O Ministerio de Sanidade notificou unha redución dos contaxios de coronavirus nas últimas 24 horas. Actualmente contabilízanse 855, respecto aos 922 do pasado venres, dos que máis da metade corresponden a Aragón. A cifra total de afectados desde o inicio da pandemia elévase a 278.782.

Segundo Sanidade, nos últimos sete días as comunidades notificaron 6 falecementos, dous deles rexistrados dende o venres, o que eleva a 28.434 o número de mortos desde o comezo da pandemia.

Por outra banda, na última semana ingresaron en hospitais 349 persoas (126.497 en total) e 12 en unidades de Coidados Intensivos (UCI), situándose o total en 11.748 desde que o coronavirus chegou a España.

As cifras facilitadas este luns polo departamento que dirixe Salvador Illa sinalan que nas últimas 24 horas Navarra rexistrou 94 novos casos: o País Vasco, 76; Cataluña, 71; Madrid, 53; Andalucía, 31; e a Comunidade Valenciana, 20.

Por baixo desas cifras situáronse Galicia, con 9; Murcia, con 7; Asturias e Cantabria, con 5, respectivamente; Baleares, con 4; Estremadura, con 3; Canarias, con 2; Castela A Mancha, con 1.

Situación dos rebrotes en España

O coordinador do Centro de Emerxencias e Alertas Sanitarias, Fernando Simón, explicou que agora mesmo hai 361 brotes activos, nos que hai 4.100 afectados, e insistiu en que en termos xerais as idades medias dos contaxiados seguen baixando.

Segundo detallou, ata hai pouco o descenso de idade dos novos casos estaba asociado a xornaleiros de temporada; "agora é maior" por contaxios de mozos por lecer nocturno ou reunións e festas familiares.

Avogou por realizar "accións específicas para os grupos afectados" e resaltou que a Sanidade séguenlle preocupando os  contagios dos maiores porque teñen a posibilidade dunha evolución peor da enfermidade.

Sobre os brotes confirmados en Aragón, Simón recoñeceu que lle preocupa a situación en Zaragoza, "con casos de transmisión comunitaria", e sinalou que non se fía de que o problema estea a remitir, a pesar de que hai varios días houbo unha redución de casos.

Simón tamén revelou que en Madrid e en Murcia están a diminuír os casos de enfermos  asintomáticos, aínda que non puido explicar os motivos deste descenso.

Repartición por comunidades

En canto aos casos diagnosticados nos últimos 7 días, as comunidades confirmaron a Sanidade 12.829 novos contaxios, a maioría dos cales tiveron lugar en Cataluña (5.585); Aragón (2.472) e Madrid (1.278).

Con menos dun milleiro de casos figuran o País Vasco, con 831; Navarra, con 609; Andalucía e a Comunidade Valenciana, con 573 cada unha; Murcia, con 241; Castela A Mancha, con 140; Galicia, con 118 e Castela e León, con 125, mentres que nas comunidades restantes, a cifra de novos  contagios non superan o centenar.

Respecto a os seis novos falecidos no últimos sete días, 2 mortes tiveron lugar en Madrid; outras tantas en Castela e León, así como 1 no País Vasco e outra en Andalucía.