A Policía Local tivo que acordoar parte da rúa Mariscal Pardo de Cela, en Pontevedra, tras desprenderse uns embelecedores da fachada dun dos edificios. O gran tamaño das pedras desprendidas chamou a atención dos veciños que, por sorte non se viron afectados e que espertaron co ruído do camión dos bombeiros.

Alarmante desprendemento de parte da fachada dun edificio en Pontevedra. Ocorreu na rúa Mariscal Pardo de Cela e de madrugada. Un dos elementos embelecedores da fachada de pedra desprendeuse e precipitouse á rúa. A Policía Local mesmo tivo que acordoar a zona.

Os bombeiros de Pontevedra acudiron ao lugar e revisaron o inmoble para verificar a consistencia do resto de elementos que ten a fachada. Aconsellaron que que se impedira o paso pola zona ata que os técnicos non avaliasen o seu estado. Os veciños souberon do acontecido polo ruído do camión dos bombeiros. Parte dos cascallos caeu no escaparate dun salón de peiteados que hai en fronte.

Por sorte, ninguén resultou mancando pola hora á que caeron os cascallos. O seu gran tamaño chamou a atención dos viandantes.