Os ex-presidentes galegos Emilio Pérez Touriño e Fernando González Laxe integrarán un comité de reconstrución da economía galega para elaborar propostas destinadas a retomar a actividade. Anunciouno o líder do PSdeG, Gonzalo Caballero.

Caballero, economista de carreira, anunciou esa iniciativa co fin de deseñar unha "nova política económica ao servizo da cidadanía e para a Galicia do futuro". 

O comité de expertos deberá dar unha resposta ás necesidades de Galicia e orientará as estratexias logo da crise derivada da pandemia do coronavirus.