O secretario xeral dos socialistas galegos chama á mobilización do conxunto dos progresistas galegos, para que non haxa "sustos" o vindeiro 10 de novembro. 

Gonzalo Caballero participou xunto coa ministra de Educación e voceira do goberno en funcións, Isabel Celáa, en Ourense nun xantar-mitin, onde advertiu que un voto pode decidir un resultado electoral e pode ser decisivo para frear a coalición das dereitas coa ultradereita. 

"Non vai haber ningún ourensán progresista que deixe de ir votar o 10 de novembro, para frear a coalición das dereitas coa ultradereira. Porque non nos podemos permitir ter un susto o 11 de novembro, porque por un voto podemos cometer un erro de dimensión histórica no noso país".