EFE

Tres dos nove tripulantes do buque "Nazmuye Ana", de bandeira panameña e procedente de Barcelona, resultaron feridos tras envorcar no peirao da Cerámica do porto de Castelló cando facía operacións de carga de contedores. 

Os feridos foron trasladados ao Hospital Xeral de Castelló, segundo fontes da Autoridade Portuaria, que informa de que se activaron o Plan de Autoprotección do Porto e o Plan Interior Marítimo ante este suceso, do que se descoñecen as causas.

Nestes momentos procédese á procura de dúas persoas desaparecidas, unha delas do servizo de estiba e a outra da tripulación, para o que se mobilizou a todos os medios de rescate do porto de Castelló, medios dos servizos de emerxencia e Salvamento Marítimo. O buque, segundo a Autoridade Portuaria, é de bandeira panameña e ten 79 metros de eslora, 11 de manga e 4,2 de calado.

Fontes do Consorcio Provincial de Bombeiros de Castelló sinalaron a EFE que o aviso do suceso recibiuse ás 20.51 horas deste venres. Estas fontes engadiron que se rescatou varias persoas que estaban a bordo.

A Garda Civil fíxose cargo da investigación deste suceso.