Pere Aragonès someterase a partir de mañá a unha nova sesión de investidura. A presidenta do Parlamento, Laura Borrás, acaba de anuncialo tras a rolda de contactos cos líderes parlamentarios.

Todo apunta a que o candidato de ERC será investido presidente da Generalitat na primeira votación ao sumar maioría absoluta cos apoios de Esquerra, Junts e a CUP. O debate comezará ás 16.00 horas deste xoves e continuará o venres durante todo o día.