Primeiro encontro entre Joe Biden e Vladimir Putin. Os líderes dos Estados Unidos e Rusia saudáronse brevemente antes do cumio que manteñen en Xenebra. O presidente suízo deulles a benvida e desexoulles un diálogo frutífero aos mandatarios dos dous países, que manteñen serias discrepancias en asuntos de política internacional.

Entre receos mutuos e fortes medidas de seguridade, o primeiro cumio de Biden e Putin vai durar cinco horas e despois non haberá comparecencia conxunta.