Benedicta Sánchez, flamante candidata aos Goya pola película 'O que arde', foi a estrela indiscutible da retransimisión das badaladas da Televisión de Galicia. Acompañada por Xosé Ramón Gayoso e Arturo Fernández, esta veciña do Corgo de 84 anos convertida en actriz da man do director Óliver Laxe gozou coma unha nena do espectáculo na praza do Obradoiro. E parece que aos espectadores lles gustou vela, tal e como se reflicte nalgúns chíos de twitter.

Pouco se está falando de que Benedicta presentou as badaladas de TVG .

— Sarasiva. (@SarasivaRL) January 1, 2020

Benedicta na Tvg

— Uxía (@uliliri) December 31, 2019

Benedicta, prota de O que arde e heroína nacional nas badaladas da TVG

— Marco galiza (@GalizaMarco) December 31, 2019

Foi a primeira vez que puxemos a TVG. Non houbo discusión. Viva Benedicta!

— Marta Gesto Lagüela (@MartaGesto) December 31, 2019

No vídeo que acompaña esta información está a súa intervención completa no programa das Badaladas. Así foi como lle demos a benvida ao ano 2020 na Televisión de Galicia.