Ourense ofrécese para acoller algúns dos proxectos tractores cos que Galicia optará aos fondos europeos de reconstrución.

Díxoo o presidente da Deputación na cámara galega durante a presentación das contas provinciais para o ano 2021 que, segundo destacou, buscan reactivar a provincia ante a desatención do goberno central.

Hoxe tamén estaba previsto que comparecese a presidenta da deputación de Pontevedra, pero por cuarto ano consecutivo Carmela Silva rexeitou a invitación do Parlamento, feito que foi moi criticado polo PPdeG e polo BNG.