Presentan en Mondoñedo os dous primeiros prototipos dos sistemas de seguridade viaria que se van probar para combater os efectos da néboa na autovía A-8.

O obxectivo, evitar o continuo peche desta vía no alto do Fiouco.

As dúas primeiras solucións contra a néboa que se proban na autovía A-8 son un sistema de balizas láser e outro que utiliza luz led para mellorar a visibilidade e advertir da presenza doutros vehículos.

Os usuarios subliñan a perigosidade deste treito de apenas catro quilómetros e amosan as súas dúbidas.

Para comprobalo, haberá que agardar de dous a tres anos, como anunciaba esta mañá no Fiouco o delegado do Goberno en Galicia.

Javier Losada anunciou que o vindeiro verán se van probar os outros dous sistemas preseleccionados.

Por este lugar circulan a diario máis de 8.500 vehículos e o pasado ano tivo que pechar unhas 800 horas.

O investimento total deste proxecto, que comezou a súa tramitación hai xa cinco anos, supera os cinco millóns e medio de euros.