A semana comeza sen mortes por covid−19 en Galicia, pero crecen as hospitalizacións
• Os casos descenden nas áreas de Vigo (-32) e Pontevedra (-6)
• A taxa de positividade cae de novo e sitúase no 1,59 %
Mantense certa estabilidade respecto a onte, cun leve descenso dos novos positivos detectados, aínda que cunha pequena repunta nos ingresos hospitalarios. Hoxe o Sergas informa de que en Galicia hai 2.984 persoas diagnosticadas de covid−19, tres menos ca onte, tras 152 novos positivos, dos cales 146 foron detectadadas mediante dunha proba PCR.
Por áreas sanitarias, a repartición de casos quedaría así:
A Coruña: 709 (+23)
Vigo: 825 (-32)
Ourense: 253 (=)
Santiago: 406 (+6)
Lugo: 222 (+1)
Pontevedra: 482 (-6)
Ferrol: 87 (+5)
Luns sen falecidos
O Sergas non notificou ningún falecemento na xornada de hoxe. Polo tanto, a cifra total de vítimas mortais por mor da covid−19 mantense en 2.394 desde o comezo da pandemia en Galicia.
Lixeiro aumento dos ingresos
No tocante á situación hospitalaria, a presión asistencial medra lixeiramente. Hai en total 209 persoas ingresadas (+7): 163 en planta (+5) e 46 nas UCI (+2). Son cifras semellantes ás rexistradas hai unha semana, malia que estes últimos días se conseguira unha paulatina redución das hospitalizacións.
Onte o Sergas non notificou ningún pasamento por mor da covid-19, e así mantense a cifra global de vítimas da pandemia no país en 2.394.
A positividade volve descender
Das 9.198 probas PCR realizadas (-101) deron positivo 146. Iso supón unha taxa de positividade do 1,59 %, menor ao 5 % situado pola OMS como limiar máximo para dar por controlada a pandemia.