Unha nova morte nunha xornada de lixeiro descenso dos casos activos en Galicia
• A área de Lugo, á cabeza no número de falecidos durante esta segunda vaga
• Rexístranse 221 novos contaxios, mentres que os casos activos diminúen en 9
O Sergas comunicou esta tarde que nas última horas faleceu unha persoa que fora diagnosticada por coronavirus. Trátase dun home de 65 anos ingresado no HULA e que tiña patoloxías previas. Non estaba vinculado con ningún centro de maiores.
Polo tanto, ascende a 727 o total de falecidos pola covid-19 en Galicia, 108 nesta segunda vaga.
Destes 108, 57 falecidos corresponden á área de Lugo; máis do dobre do que leva A Coruña (28) nesta segunda vaga.
Por outra banda, Galicia rexistra este venres 4.452 casos activos, segundo a última actualización dos datos da Dirección Xeral de Saúde Pública da Consellería de Sanidade. Isto supón 9 casos activos menos ca onte.
Por outra banda, hai 221 novos contaxios.
ÚLTIMA HORA | Baixan lixeiramente os casos activos polos descensos en Santiago e Lugo. Os novos contaxios mantéñense por riba dos 200. Toda a información aquí https://t.co/SgjKwPANZ9 pic.twitter.com/kJ59PQBTuM
— G24 (@G24Noticias) September 25, 2020
Nas últimas horas non se rexistra ningunha morte por coronavirus en Galicia, polo que se mantén en 726 a cifra total.
O reparto dos casos activos por áreas sanitarias é o seguinte:
• 1.109 (-4) na Coruña
• 630 (-10) en Lugo
• 668 (+9) en Ourense
• 784 (+24) en Pontevedra
• 511 (+9) en Vigo
• 578 (-30) en Santiago
• 172 (-7) en Ferrol
No tocante ás hospitalizacións, hai 32 persoas na UCI, 210 en unidades de hospitalización e 4.210 en seguimento domiciliario. En total, curáronse 17.802 persoas e realizáronse 452.649 probas PCR.