O mes de febreiro comeza con malas cifras, tras un xaneiro con récord de contaxios, casos e hospitalizacións. Segundo os últimos datos do Sergas, hai 22.522 persoas infectadas de covid−19 en Galicia (+102), logo de detectárense 1.001 novas infeccións, 791 a través dunha PCR.

Por áreas sanitarias, a repartición é a seguinte:

• A Coruña: 5.883 (-51)

• Vigo: 3.861 (+63)

• Santiago: 3.442 (+24)

• Ourense: 2.874 (-9)

• Pontevedra: 2.503 (+34)

• Lugo: 2.135 (+5)

• Ferrol: 1.824 (+36)

Baixan os ingresados en planta, soben nas UCI

O número de ingresados mantense elevado, malia que o balance desta xornada é de 13 persoas hospitalizadas menos. Segundo os últimos datos do Sergas, hai 1.439 persoas hospitalizadas: 1.186 en planta (-24) e 253 nas UCI (+11). Se botamos a vista atrás, achamos que hai un mes había 297 en planta e 57 nas UCI.

Esta presión hospitalaria está obrigando a adoptar medidas para combatela, como a ampliación de espazo de pacientes con covid−19 no CHUS ou o traslado de pacientes a outros centros con menor saturación.

A cifra de falecidos segue en aumento tamén. Onte o Sergas notificou 40 mortes dende o venres, e con iso son 1.815 vítimas da covid−19 no país. En xaneiro finaron 397 persoas.

A positividade, no 7 %

Os cribados masivos manteñen a positividade máis baixa ca as últimas semanas. Das 11.080 probas PCR realizadas (-1.768), deron positivo 791 persoas, e queda unha positividade destas probas do 7,14 %.

O Sergas vai ampliar os cribados na área de Vigo a máis de 32.000 persoas por causa da baixa participación.

Mapa de incidencia por concellos