A presidenta madrileña e candidata á reelección Isabel Díaz Ayuso celebrou este mércores a súa vitoria nas eleccións madrileñas xunto ao líder do PP Pablo Casado, con quen reivindicou o seu triunfo como unha "moción de censura ao sanchismo". "O sanchismo non entra en Madrid", proclamou Ayuso.

"Esta forma de gobernar con opulencia e hipocrisía da Moncloa ten os seus días contados, xa está ben", exclamou Ayuso desde o balcón da sede do PP na rúa de Xénova, a onde saíu acompañada por Casado e outros dirixentes do partido.

"Madrid fixo unha moción de censura democrática ao sanchismo, aos seus pactos con Bildu, con independentistas, ao Goberno con Podemos; Madrid é o quilómetro cero do cambio en España", proclamou pola súa banda o presidente do PP, tras sinalar que gañou "a liberdade".

Os seguidores do PP festexaron en Xénova un éxito contundente.