En Cataluña, Esquerra Republicana e Junts per Catalunya desbloquearon as negociacións para formaren goberno. As dúas formacións valoran moi positivamente o encontro de case catro horas que mantiveron na prisión de Lledoners, onde cumpren condena os presos independentistas.

Participaron, entre outros, Oriol Junqueras, Jordi Sánchez e o candidato a presidente Pere Aragonès. Analizaron por primeira vez o reparto de consellerías. Sería un goberno bipartito. E din que o pacto pode ser cuestión de días.