EFE              

Australia confinou este xoves por sete días a súa capital, Camberra, e as súas comunidades contiguas, tras detectar un caso da covid-19, dentro da súa estratexia de supresión do virus con confinamentos rápidos e estritos.

Uns 430.000 cidadáns deberán cumprir coa medida tras detectar un contaxio de orixe descoñecida, o primeiro infectado en trece meses neste territorio australiano.

As autoridades da capital optaron por decretar a medida ao observar a situación sanitaria en Nova Gales do Sur, a súa única fronteira, onde se rexistra un gromo con epicentro en Sydney e vinculado á variante delta do virus.